«Барселона»нинг собиқ футболчиси Андрес Иньеста каталонияликларнинг жорий мавсумдаги ўйини ҳақида ўз фикрларини билдирди.

Ханс-Дитер Флик бошчилигидаги жамоа Испания Ла Лигасининг дастлабки еттита учрашувида ҳам ғалаба қозонди. «Барселона» ушбу баҳсларда рақиблар дарвозасига 31 та гол уриб, ўз дарвозасидан 7 та тўп ўтказиб юборган.

Каталонияликлар чемпионат жадвалида пешқадамлик қилмоқда ва энг яқин таъқибчиларини беш очкога ортда қолдирган.

«Ҳозирги «Барселона» менга жуда ёқади. Гап фақат жорий мавсумдаги муваффақиятли старт ҳақида эмас, балки жамоанинг умумий ривожланиши ҳақида кетмоқда.

Энди асосий вазифа — чемпионатнинг бутун давомида шу даражани сақлаб қолиш», — дея Иньестанинг сўзларини келтиради Onda Cero.

Маълумот учун, Андрес Иньеста яқинда «Галф Юнайтед» клуби бош мураббийи лавозимини эгаллаган.

«Барселона» 10 октябрь, шанба куни Испания чемпионатининг саккизинчи турида ўз майдонида «Хетафе»ни қабул қилади.

Учрашув Ўзбекистон вақти билан соат 21:30 да бошланади.