«Barselona»ning sobiq futbolchisi Andres Inyesta kataloniyaliklarning joriy mavsumdagi o‘yini haqida o‘z fikrlarini bildirdi.

Xans-Diter Flik boshchiligidagi jamoa Ispaniya La Ligasining dastlabki yettita uchrashuvida ham g‘alaba qozondi. «Barselona» ushbu bahslarda raqiblar darvozasiga 31 ta gol urib, o‘z darvozasidan 7 ta to‘p o‘tkazib yuborgan.

Kataloniyaliklar chempionat jadvalida peshqadamlik qilmoqda va eng yaqin ta’qibchilarini besh ochkoga ortda qoldirgan.

«Hozirgi «Barselona» menga juda yoqadi. Gap faqat joriy mavsumdagi muvaffaqiyatli start haqida emas, balki jamoaning umumiy rivojlanishi haqida ketmoqda.

Endi asosiy vazifa — chempionatning butun davomida shu darajani saqlab qolish», — deya Inyestaning so‘zlarini keltiradi Onda Cero.

Ma’lumot uchun, Andres Inyesta yaqinda «Galf Yunayted» klubi bosh murabbiyi lavozimini egallagan.

«Barselona» 10 oktyabr, shanba kuni Ispaniya chempionatining sakkizinchi turida o‘z maydonida «Xetafe»ni qabul qiladi.

Uchrashuv O‘zbekiston vaqti bilan soat 21:30 da boshlanadi.