Аргентина миллий терма жамоаси сафидаги хайрлашув учрашувидан сўнг Лионель Месси «Интер Майами» клуби ихтиёрига қайтди.
Америка клуби матбуот хизмати 39 ёшли ҳужумчининг машғулотлар базасида тушган суратини эълон қилди.
Месси 2026 йилнинг 7 октябрига ўтар кечаси Аргентина терма жамоаси сафидаги хайрлашув учрашувида иштирок этди.
Бенинга қарши кечган баҳсда аргентиналиклар 3:0 ҳисобида ғалаба қозонди. Месси ушбу ўйинда битта гол уриб, иккита голли узатмани амалга оширди.
Лионель Месси Аргентина миллий терма жамоаси сафида жами 208 та учрашувда майдонга тушиб, 126 та гол муаллифи бўлган.
У терма жамоа билан биргаликда 2022 йилги жаҳон чемпионати, икки марта Америка кубоги, Олимпия ўйинлари ва Финалиссима ғолиблигини қўлга киритган.
