"Барселона" бош мураббийи Ханс-Дитер Флик матбуот анжуманида жамоа қанот ҳужумчиси Ламин Ямалнинг айни пайтдаги жисмоний ва спорт формаси ҳақидаги саволга жавоб берди.

"У фантастик даражада ўйин кўрсатмоқда. Буни Испания терма жамоасидаги ўйинларида ҳам кўриш мумкин.

Мен уни Лондонда кузатдим, ўша пайтда трибунада эдим. Футболчиларга бошқача нуқтаи назардан қараш ҳам керак.

Ямал ва Кубарси ёш футболчилар, шунинг учун улар тезроқ тикланади.

Агар эртага Ламин 60 ёки 70 дақиқа ўйнаса, бу яхши бўлади. Гарчи унинг ўзи барча учрашувларда майдонга тушишни хоҳласа ҳам. У футбол ўйнашни яхши кўради.

Ямал дунёнинг энг яхши футболчисига айланади — агар аллақачон шундай даражага етмаган бўлса.

У ҳозирнинг ўзидаёқ юқори савияда ўйнамоқда ва энг юқори чўққига жуда яқин.

Агар у шу тарзда давом этса, ўз устида ишлаб, ривожланишга интилишдан тўхтамаса... Ана шундай муносабат билан...

Мен ундан мамнунман", — деди Флик.

"Барселона" 10 октябрь, шанба куни Испания Ла Лигаси доирасида "Хетафе"га қарши майдонга тушади.