Мюнхеннинг «Бавария» клуби ҳимоячиси Альфонсо Дэвис Европанинг бир нечта топ-клублари эътиборига тушган.

Бу ҳақда журналист Экрем Конур ижтимоий тармоқларда хабар берди.

Манба маълумотларига кўра, канадалик қанот ҳимоячисига Каталониянинг «Барселона» ҳамда Мадриднинг «Реал» клублари қизиқиш билдирмоқда.

«Бавария» эса ўз навбатида, канадалик футболчини сотишга тайёр.

Эслатиб ўтамиз, 25 ёшли ҳимоячи 2019 йилдан буён Мюнхен клуби шарафини ҳимоя қилиб келмоқда.

Унинг «Бавария» билан амалдаги шартномаси 2030 йилнинг июнь ойи охиригача мўлжалланган.

Transfermarkt портали мутахассислари Альфонсо Дэвиснинг бозор қийматини 45 миллион еврога баҳоламоқда.