Лондоннинг «Тоттенхэм» клуби бош мураббийи Роберто Де Дзерби «Манчестер Юнайтед»га қарши учрашув олдидан ярим ҳимоячи Жеймс Мэддисоннинг жисмоний ҳолати ҳақида маълумот берди.
«У майдонга тушишга тайёр, аммо ўтган ҳафта охири ва жорий ҳафта бошида уч-тўрт кунлик машғулотларни ўтказиб юборди.
Жеймс биз учун ўзига хос футболчи. Галлахер ҳам ҳужумкор ярим ҳимоячи позициясида яхши ҳаракат қилмоқда.
Мэддисон майдонга тушишни жуда хоҳлаяпти. Шу сабабли иккимиз ҳам бу вазиятдан хафамиз.
Унинг жароҳати жиддий эмас ва эртага ўйнаши мумкин. Бироқ Англия Премьер-лигаси футболчидан юқори жисмоний тайёргарликни талаб қилади.
Бу ерда кўп югуришга ва кураш олиб боришга тайёр бўлиш керак.
Жеймс ўзининг одатдаги даражасига қайтиши учун кетма-кет уч, тўрт ёки беш ҳафта давомида оғриқ ва бошқа муаммоларсиз машғулот ўтказиши зарур», — деди Де Дзерби матбуот анжуманида.
«Манчестер Юнайтед» ва «Тоттенхэм» ўртасидаги учрашув 10 октябрь куни Англия Премьер-лигасининг олтинчи тури доирасида бўлиб ўтади.
