Мадриднинг «Реал» клуби телевидениесида Испания Ла Лигасининг 8-туридан ўрин олган «Вильярреал»га қарши учрашувда (1:0) Винисиус Жуниорнинг майдондан четлатилиши кескин танқид қилинди.
Баҳснинг 72-дақиқасида бош ҳакам Исидро Диас де Мера видеотакрорни кўриб чиққач, бразилиялик футболчининг голини бекор қилди ва унга қизил карточка кўрсатди. Бунга Винисиуснинг ҳужум давомида «Вильярреал» ярим ҳимоячиси Натан Салибанинг сочидан тортиши сабаб бўлди.
«Бундай ҳаракат учун футболчини майдондан четлатиш мумкин эмас. Бунинг учун голни ҳам бекор қилиб бўлмайди. Бу ҳақиқий шармандалик!
Бу каби ҳолат яна такрорланди. Бу шунчаки навбатдаги воқеа эмас, балки «Вильярреал»дек жамоага қарши ўйинда бундай қарорлар бирин-кетин қабул қилинмоқда.
Кейин эса улар яна футбол ҳақида гапиришимизни хоҳлашади. Негрейранинг бу ифлос лигасида футбол ҳақида гапиришнинг умуман иложи йўқ», — деди «Реал» клуб телевидениеси бошловчиси.
