«Барселона» скаутлар бўлими раҳбари Жоау Амарал жамоанинг собиқ ҳужумчиси Витор Роке ҳақида ўз фикрларини билдириб, унинг Каталонияда ўзини кўрсата олмагани сабабларини тушунтирди.

Бразилиялик футболчи 2024 йил бошида «Атлетико Паранаэнсе»дан 30 миллион евро эвазига «Барселона» сафига қўшилган. Бироқ ёш ҳужумчи асосий жамоадан ўрин ола олмади. 2025 йил февраль ойида эса «Бетис»да ижара асосида тўп сурганидан сўнг, 25,5 миллион евро эвазига «Палмейрас»га сотилди.

«Рокенинг ўйин услуби «Барселона»га мос келарди, аммо вақт масаласи тўсқинлик қилди. У январь ойида келди ва дарҳол оммавий ахборот воситаларининг катта эътибори остида қолди. Жанубий америкалик футболчилар Европа футболига мослашиши учун одатда зарур бўладиган 5–6 ой вақт унга етишмади», — дея Амаралнинг сўзларини келтиради Barca Buzz.

Ҳозирда Витор Роке 21 ёшда. У «Палмейрас»нинг асосий таркибидан жой олган ва жамоа сафида 93 та учрашувда майдонга тушиб, 29 та гол уришга улгурган.