«Ювентус» яқин келажакда Кенан Йилдиз билан хайрлашишни режалаштирмаяпти. 21 ёшли футболчига Европанинг йирик клублари анчадан бери қизиқиш билдириб келмоқда. Бироқ туркиялик юлдузни ўз сафига қўшиб олиш осон бўлмайди. Журналист Экрем Конурнинг хабар беришича, «кекса синьора» футболчининг трансфери учун 120–150 миллион евро талаб қилади.
Кенан Йилдиз Мадриднинг «Реал» клуби, «Бавария», «Арсенал» ва «Тоттенхэм» клублари эътиборида қолмоқда.
Transfermarkt портали экспертлари кўп қиррали ҳужумчининг трансфер қийматини 75 миллион евро деб баҳоламоқда. Футболчининг «Ювентус» билан амалдаги меҳнат шартномаси 2030 йилнинг ўрталаригача тузилган.
