Италия чемпионатининг олтинчи турида Римнинг «Лацио» клуби «Монца» дарвозасига учта гол уриб, навбатдаги уч очкога эга бўлди. Римликлар сафидаги голлардан бирини Густав Исаксен киритди. Учрашувдан сўнг футболчи ўз фикрлари билан ўртоқлашди.

«Ўзимни яхши ҳис қиляпман. Жамоадошларимга ёрдам бераётганим ва янада кўпроқ фойда келтира олаётганимдан хурсандман. Гаттузо мени ҳақиқатан ҳам руҳлантира олади ва унинг қўл остида ишлаш мен учун шараф. У доимо ҳаракатда бўлишимни талаб қиладими? Бу ҳақда менга мунтазам айтиб туради. Шунингдек, машғулот пайтида бирор ноқулайлик сезсам, бу ҳақда хабар беришимни тез-тез сўрайди. Аммо мен шикоят қилишни ёқтирадиганлардан эмасман. Доимо машғулот ўтказишни хоҳлайман», — дея футболчининг сўзларини келтиради cittaceleste.it.

Эслатиб ўтамиз, «Лацио» Италия чемпионатининг кейинги турида «Ювентус» билан баҳс олиб боради.