"Ливерпуль"нинг собиқ ҳимоячиси Жейми Каррагер жамоа ярим ҳимоячиси Флориан Вирцнинг ўйинини кескин танқид қилди.
23 ёшли германиялик футболчи якшанба куни "Энфилд" стадионида "Манчестер Сити"га қарши ўтказилган учрашувда жамоасини йирик мағлубиятдан қутқариб қола олмади. "Ливерпуль" 0:3 ҳисобида имкониятни бой берган баҳсда Вирц 66-дақиқага қадар майдонда ҳаракат қилди.
"Ливерпуль" Вирц учун жуда катта маблағ сарфлади, аммо у ҳозирча ўзига билдирилган ишончни мутлақо оқламаяпти. Кумас ва Муньос 200 миллион фунтга харид қилинган футболчилардан яхшироқ кўринди. Бундай бўлиши мумкин эмас.
Уларнинг майдондаги позициялари турлича эканини тушунаман, аммо Вирцни Гравенберхнинг ўрнига тушириш мумкин эмас. Ҳозирги пайтда Флориан шунчаки талаб даражасида ўйнамаяпти", — деди Каррагер Sky Sports эфирида.
"Ливерпуль" ўтган йили Флориан Вирцнинг трансфери учун 125 миллион евро сарфлаган эди.
Германиялик ярим ҳимоячи жорий мавсумда 7 та учрашувда иштирок этиб, бор-йўғи битта голли узатмани амалга оширди.
