"Ливерпуль"нинг собиқ ҳимоячиси Жейми Каррагер Англия Премьер-лигасининг 6-турида "Манчестер Сити"га қарши ўтказилган учрашувда (0:3) нидерландиялик ярим ҳимоячи Райан Гравенберхнинг майдондан четлатилишига муносабат билдирди.
"Иккала вазиятни ҳам таҳлил қилсак, ҳакамнинг қарори анча кескин бўлганини кўриш мумкин. Гравенберхнинг биринчи қоидабузарлиги сариқ карточкага лойиқ эмасди. Ҳакам футболчини огоҳлантиришга шошилди", — деди Каррагер. Унинг сўзларини The Sun нашри келтирмоқда.
Гравенберх майдондан четлатилганидан сўнг "Ливерпуль"нинг ўйини издан чиқди. Мерсисайдликлар "Манчестер Сити" дарвозасига жавоб голи ура олмаган ҳолда, ўз дарвозасидан учта тўп ўтказиб юборди.
Англия Премьер-лигасида олтита тур ортда қолганидан сўнг, Андони Ираола бошқараётган "Ливерпуль" 9 очко жамғариб, мусобақа жадвалида 10-ўринни эгаллаб турибди.
