Буюк Британия бош вазири Энди Бернем «Манчестер Сити» клуби эгалари билан ўтмишдаги ҳамкорлигига оид барча маълумотларни жамоатчиликка ошкор қилишга тайёр эканини билдирди.

Аввалроқ Катта Манчестер мэри лавозимида ишлаган Бёрнем 2009–2018 йиллар давомида Англия Премьер-лигасининг молиявий қоидаларини бузганликда айбдор деб топилган «Манчестер Сити»ни қўллаб-қувватлагани учун танқидларга учраган эди.

Ҳозирча Манчестер клубига нисбатан якуний жазо белгиланмаган. Айрим мутахассисларнинг фикрича, «шаҳарликлар» нафақат қўлга киритган чемпионлик унвонларидан маҳрум этилиши, балки қуйи дивизионга тушириб юборилиши ҳам мумкин.

«Катта Манчестер мэри лавозимида ишлаган давримда улар билан ҳамкорлик доирасида амалга оширган барча ишларим ҳақида очиқ маълумот беришга тайёрман.

Ушбу учрашувлар анча аввал бўлиб ўтган. Улар орасида фақат биттаси, яъни 2021 йилдаги учрашув ҳақиқатан ҳам муҳим аҳамиятга эга эди. Барча тафсилотларни жамоатчиликка ошкор қилишга тайёрман.

Футболдаги муаммоларга келсак, улар жиддий ва ўз ечимини топиши керак. Бу жараён мустақил тар