"Манчестер Сити" қанот ҳужумчиси Антуан Семеньо жамоадаги фаолияти давомида эришган ўсиши ва собиқ бош мураббий Пеп Гвардиоланинг унга кўрсатган ёрдами ҳақида фикр билдирди.
Ганaлик футболчи Манчестер клубига кўчиб ўтганидан кейин ўйин услубини такомиллаштириш ва майдонда тўғри қарорлар қабул қилиш устида кўп ишлаганини таъкидлади.
"Манчестер Сити"га келганимдан кейин ўз ўйинимни чуқурроқ таҳлил қилишимга тўғри келди.
Ўйин суръатини тушунишим, қачон уни пасайтириш, қачон тезлаштириш ва қайси вазиятда дриблингга киришиш кераклигини билиб олишим зарур эди.
Пеп Гвардиола бу жиҳатлар устида мен билан жуда кўп ишлади ва бу менга катта ёрдам берди.
Ўйлашимча, ҳозир ўйинни жуда яхши тушунаман", — деди Семеньо УЕФА матбуот хизматига берган интервьюсида.
Эслатиб ўтамиз, Антуан Семеньо 2026 йил январь ойида "Борнмут"дан "Манчестер Сити"га кўчиб ўтган эди.
26 ёшли ҳужумчи жорий мавсумда барча мусобақалар доирасида саккизта учрашувда иштирок этиб, иккита гол урди ва учта голли узатмани амалга оширди.
