"Manchester Siti" qanot hujumchisi Antuan Semenyo jamoadagi faoliyati davomida erishgan o‘sishi va sobiq bosh murabbiy Pep Gvardiolaning unga ko‘rsatgan yordami haqida fikr bildirdi.
Ganalik futbolchi Manchester klubiga ko‘chib o‘tganidan keyin o‘yin uslubini takomillashtirish va maydonda to‘g‘ri qarorlar qabul qilish ustida ko‘p ishlaganini ta’kidladi.
"Manchester Siti"ga kelganimdan keyin o‘z o‘yinimni chuqurroq tahlil qilishimga to‘g‘ri keldi.
O‘yin sur’atini tushunishim, qachon uni pasaytirish, qachon tezlashtirish va qaysi vaziyatda driblingga kirishish kerakligini bilib olishim zarur edi.
Pep Gvardiola bu jihatlar ustida men bilan juda ko‘p ishladi va bu menga katta yordam berdi.
O‘ylashimcha, hozir o‘yinni juda yaxshi tushunaman", — dedi Semenyo UYEFA matbuot xizmatiga bergan intervyusida.
Eslatib o‘tamiz, Antuan Semenyo 2026 yil yanvar oyida "Bornmut"dan "Manchester Siti"ga ko‘chib o‘tgan edi.
26 yoshli hujumchi joriy mavsumda barcha musobaqalar doirasida sakkizta uchrashuvda ishtirok etib, ikkita gol urdi va uchta golli uzatmani amalga oshirdi.
