Фрэнк Лэмпард бошчилигидаги "Ковентри" Англия Премьер-лигасидаги кетма-кет иккинчи ғалабасини қўлга киритди.

Жамоа чемпионатнинг 6-турида ўз майдонида "Ньюкасл"ни қабул қилиб, 4:1 ҳисобида йирик ғалабага эришди.

Аввалги турда эса Лэмпард шогирдлари "Ноттингем Форест"ни 1:0 ҳисобида мағлуб этган эди.

Қизиғи, "Ковентри" мавсумни кетма-кет тўртта мағлубият билан бошлаган. Жамоа дастлабки турларда "Арсенал", "Халл", "Манчестер Сити" ва "Брайтон"га имкониятни бой берган.

Ушбу тўртта учрашувда Лэмпард шогирдлари рақиблар дарвозасига бирорта ҳам гол ура олмаган ва ўз дарвозасидан жами 10 та тўп ўтказиб юборган.

Бироқ сўнгги икки турда вазият ўзгарди. "Ковентри" кетма-кет икки ғалабани қўлга киритиб, рақиблар дарвозасига бешта гол урди ва фақат битта тўп ўтказиб юборди.

Айни пайтда жамоа олтита учрашувда 6 очко жамғарган ҳолда Англия Премьер-лигаси турнир жадвалида 14-ўринни эгаллаб турибди.

"Ковентри" навбатдаги баҳсини 19 октябрь куни "Тоттенхэм"га қарши ўтказади.