14 октябрь, чоршанба куни Европа Чемпионлар лигаси 2026/27 йилги мавсуми умумий босқичининг 2-туридан ўрин олган сўнгги учрашувлар бўлиб ўтди.

Икки тур натижаларига кўра, Франциянинг «ПСЖ» клуби турнир жадвалида пешқадамлик қилмоқда. Парижликлар дастлабки икки учрашувнинг ҳар иккисида ғалаба қозониб, 6 очко жамғарди.

«ПСЖ» тўплар нисбати яхшироқ бўлгани сабабли биринчи ўринни эгаллаб турибди. Чунки «Барселона», «Астон Вилла», «Штутгарт», «Ливерпуль», «Спортинг», «Арсенал», «Реал» ва «Бетис» клублари ҳам икки турда 6 очкодан тўплашга муваффақ бўлган.

Шу тариқа, мусобақанинг дастлабки икки туридан сўнг тўққизта жамоа юз фоизлик натижа қайд этиб, пешқадамлар гуруҳидан жой олди.

Турнир жадвалининг сўнгги поғоналарида эса «Слован» ва «Галатасарой» клублари жойлашган. Ҳар икки жамоа дастлабки икки учрашувида ҳам йирик ҳисобда мағлубиятга учради.

Чемпионлар лигаси умумий босқичининг 3-тур учрашувлари 20 ва 21 октябрь кунлари бўлиб ўтади.