"Рома" ярим ҳимоячиси Матиас Соуле Европа Чемпионлар лигаси умумий босқичида Мадриднинг "Реал" клубига қарши ўтказилган учрашувдан кейин ўз фикрларини билдирди.
Римликлар ўз майдонида кечган баҳс давомида 3:1 ҳисобида олдинда борганига қарамай, якунда 3:4 ҳисобида мағлубиятга учради.
Аргентиналик футболчи жамоаси ўйинни тўлиқ назорат қилганини, бироқ бир нечта бурчак тўпидан кейинги вазиятлар сабабли ғалабани қўлдан бой берганини таъкидлади.
"Бундай воқеалардан кейин нима дейишни ҳам билмай қолдим. Шунчаки гапиришга сўз топа олмаяпман.
Учрашув тўлиқ назоратимиз остида эди, аммо бир нечта бурчак тўпи туфайли ҳаммасини қўлдан бой бердик.
Бу мағлубият жамоамиз учун жиддий сабоқ бўлиши керак. Биз жуда қаттиқ хафамиз. Шунга қарамай, мағлубият "Рома" яхши ўйин ўтказгани ҳақидаги ҳақиқатни ўзгартирмайди.
Энди ушбу баҳснинг ижобий жиҳатларини ажратиб олишимиз ва тегишли хулосалар чиқаришимиз лозим", — дея Соуленинг сўзларини келтиради Football Italia.
"Рома" Чемпионлар лигасидаги навбатдаги учрашувини 20 октябрь куни Словакиянинг "Слован" клубига қарши ўтказади.
