Мадриднинг «Реал» клуби ҳужумчиси Эндрик жамоадаги келажаги ва қандай ҳолатда «Қироллик клуби»ни тарк этиши мумкинлиги ҳақида фикр билдирди.

Бразилиялик футболчи жорий мавсумда етарлича ўйин амалиётига эга бўлмаётганига қарамай, Европа Чемпионлар лигаси доирасидаги «Рома»га қарши учрашувда ўзини кўрсатишга муваффақ бўлди.

20 ёшли ҳужумчи баҳснинг 59-дақиқасида захирадан майдонга тушди ва 85-дақиқада рақиб дарвозасини ишғол қилиб, «Реал»нинг 4:3 ҳисобидаги иродали ғалабасига муҳим ҳисса қўшди.

Эътиборлиси, бу Эндрик учун жорий мавсумдаги атиги иккинчи учрашув эди.

Жозе Моуринью бошчилигидаги жамоадаги мавқеи ҳақида гапирар экан, бразилиялик футболчи қийинчиликларга қарамай, асосий таркибдан жой олиш учун курашишга тайёрлигини таъкидлади.

«Қачондир «Реал» учун бор кучимни сарфлашдан тўхтасам, ўша заҳоти клубни тарк этаман», — дея Эндрикнинг интервьюда айтган сўзларини келтиради Madrid Zone.

«Реал» навбатдаги учрашувини 18 октябрь куни Испания Ла Лигаси доирасида «Севилья»га қарши ўтказади.