Madridning «Real» klubi hujumchisi Endrik jamoadagi kelajagi va qanday holatda «Qirollik klubi»ni tark etishi mumkinligi haqida fikr bildirdi.

Braziliyalik futbolchi joriy mavsumda yetarlicha o‘yin amaliyotiga ega bo‘lmayotganiga qaramay, Yevropa Chempionlar ligasi doirasidagi «Roma»ga qarshi uchrashuvda o‘zini ko‘rsatishga muvaffaq bo‘ldi.

20 yoshli hujumchi bahsning 59-daqiqasida zaxiradan maydonga tushdi va 85-daqiqada raqib darvozasini ishg‘ol qilib, «Real»ning 4:3 hisobidagi irodali g‘alabasiga muhim hissa qo‘shdi.

E’tiborlisi, bu Endrik uchun joriy mavsumdagi atigi ikkinchi uchrashuv edi.

Joze Mourinyu boshchiligidagi jamoadagi mavqei haqida gapirar ekan, braziliyalik futbolchi qiyinchiliklarga qaramay, asosiy tarkibdan joy olish uchun kurashishga tayyorligini ta’kidladi.

«Qachondir «Real» uchun bor kuchimni sarflashdan to‘xtasam, o‘sha zahoti klubni tark etaman», — deya Endrikning intervyuda aytgan so‘zlarini keltiradi Madrid Zone.

«Real» navbatdagi uchrashuvini 18 oktyabr kuni Ispaniya La Ligasi doirasida «Sevilya»ga qarshi o‘tkazadi.