Баъзан соч турмаги инсоннинг қиёфасини бутунлай ўзгартириб юбориши мумкин. Колумбиялик Карлос Вальдеррамани боши қирилган ҳолда тасаввур қилиб кўрганмисиз?
Машҳур футболчи ўзининг афсонавий соч турмагисиз қандай кўринишда бўлишини намойиш этишга қарор қилди. Унинг рафиқаси Эльвира соч оладиган машинкани қўлига олиб, Карлосга ёзги услубдаги янги қиёфа яратиб берди.
Эслатиб ўтамиз, гап ўтган асрнинг 90-йилларида Колумбия терма жамоаси сафида порлаган, Жанубий Американинг энг таниқли футболчиларидан бири ҳақида кетмоқда. Вальдеррама уч марта жаҳон чемпионатида иштирок этган.
Клублар миқёсида эса у Европа майдонларида ҳам тўп тепган. Жумладан, Франциянинг «Монпелье» ва Испаниянинг «Вальядолид» жамоалари шарафини ҳимоя қилган. Футболчилик фаолиятини 2002 йилда якунлаган.
