«РБ Лейпциг»нинг норвегиялик вингери Антонио Нуса Англия Премьер-лигасининг учта клуби эътиборини тортди. Бу ҳақда Football Insider нашри хабар бермоқда.
Маълумотларга кўра, футболчини «Арсенал», «Астон Вилла» ва «Ньюкасл» ўз сафига қўшиб олишни истамоқда. Қайд этилишича, «Ньюкасл» трансфер учун курашда рақибларидан ортда қолмоқда. Нусанинг амалдаги шартномаси 2029 йил ёзигача мўлжалланган. Transfermarkt футболчининг қийматини 45 миллион евро деб баҳоламоқда.
Антонио Нуса Норвегия терма жамоаси сафида 34 та учрашувда майдонга тушган. Ушбу ўйинларда вингер 9 та гол урган ва шунча голли узатмани амалга оширган.
