Рафинья «Барселона» сафида энг кўп ўйин ўтказган бразилиялик футболчилар орасида бешинчи ўринга кўтарилди. Унинг каталонияликлар таркибидаги учрашувлари сони 186 тага етди.

Бунга бразилиялик футболчининг Испания чемпионати 9-турида «Бетис»га қарши кечган ва «Барселона»нинг 5:2 ҳисобидаги ғалабаси билан якунланган баҳснинг иккинчи бўлимида майдонга тушгани орқали эришилди.

Шу тариқа, Рафинья «Барселона» сафида 2013–2017 йилларда тўп тепган Неймарнинг натижасини такрорлади. Неймар ҳам каталонияликлар таркибида 186 та учрашувда иштирок этган.

Рафинья 2022 йилда «Барселона»га қўшилган. Ҳозирга қадар у жамоа сафида 89 та гол урган ва клуб тарихидаги энг яхши тўпурарлар рўйхатининг кучли 30 талигидан жой олган.