"Наполи"да ўтган йиллардан яхши таниш бўлган муаммо яна такрорланмоқда — жамоанинг жароҳат олган футболчилари сони ортиб бормоқда.
Давид Нересдан сўнг ўтган мавсумда ўз иқтидорини намоён этган бразилиялик футболчи Алиссон Сантос ҳам сафдан чиқди. Унинг жароҳат олганини жамоа бош мураббийи Массимилиано Аллегри ҳам тасдиқлади.
"Алиссон Сантос сўнгги зарбасини амалга ошираётган пайтда ноқулайлик ҳис қилди. У саккиз кун давомида жамоа билан бирга машғулот ўтказганди. Унинг яна жароҳат олишини асло тасаввур қилмагандим.
Агар буни олдиндан билганимда, унинг ўрнига Лангни майдонга туширган бўлардим. Аммо мен башоратчи эмасман-ку.
Биз уни яна сафга қайтаришимиз керак. Худди бугун захирада қолган, жароҳатдан тикланаётган Оливера ва Ангисса каби", — дея Аллегрининг сўзларини келтиради calcionapoli1926.it нашри.
Эслатиб ўтамиз, "Наполи" шанба куни Италия чемпионати доирасида аутсайдерлардан бири "Венеция"га 0:1 ҳисобида мағлуб бўлган эди.
