Англия Премьер-лигасининг 7-тури доирасида "Астон Вилла" сафарда "Ньюкасл"ни минимал 1:0 ҳисобида мағлуб этди. Ушбу ғалаба жамоа бош мураббийи Унаи Эмери учун юбилей аҳамиятига эга бўлди.
Гап шундаки, мазкур ғалаба баск мутахассисининг Англия Премьер-лигасидаги мураббийлик фаолияти давомидаги 100-ғалабаси бўлди. Эмери ушбу маррага эришиш учун 197 та учрашув ўтказди. АПЛ тарихида фақат саккиз нафар мураббий бу натижага ундан тезроқ эришган.
Шу билан бирга, Эмерининг барча ғалабалари "Астон Вилла" бошқарувида қўлга киритилмаган. Чунки испаниялик мутахассис аввалроқ, 2018/2019 йилги мавсумда Лондоннинг "Арсенал" клубида ҳам фаолият юритган.
Эслатиб ўтамиз, Унаи Эмери 2022 йилнинг 24 октябрида "Астон Вилла" бош мураббийи этиб тайинланган эди. Яқин кунларда унинг Бирмингем клубидаги фаолиятига тўрт йил тўлади.
