2008 йилда Давид Сильванинг футболчилик фаолияти бутунлай бошқача кечиши мумкин эди. Испаниялик собиқ ярим ҳимоячи El Camino de Mario подкастида амалга ошмай қолган трансфернинг парда ортидаги тафсилотларини ошкор қилди.
Испания терма жамоаси Европа чемпионатида ғолиб чиққанидан сўнг "Барселона" ўша пайтда Каталония клубида раҳбарлик лавозимларидан бирини эгаллаб турган Чики Бегиристайн орқали Сильвага қизиқиш билдирган.
Бироқ трансфер амалга ошмаган. Чунки "Валенсия" футболчини қўйиб юборишни истамаган. Натижада Сильва Испанияда қолган ва икки йил ўтиб Англияга йўл олган.
"2008 йилда Испания терма жамоаси билан Европа чемпионатида ғолиб чиққанимиздан сўнг Чики менга қўнғироқ қилганди. Ўша пайтда у "Барселона"да ишлаётган эди.
"Манчестер Сити"га ўтиш энг тўғри қарор бўлган. Мен у ерда ажойиб ўн йилни ўтказдим. Одамлар менга ниҳоятда яхши муносабатда бўлишди", — дея Сильванинг сўзларини келтиради derbyderbyderby.it нашри.
Манбада қайд этилишича, ҳозирда Сильва Хитойда футболчилик фаолиятини давом эттирмоқда.
