«Ливерпуль» Англия Премьер-лигасининг 7-тури доирасида «Брентфорд»га қарши сафар учрашувида муҳим футболчиларидан бири Доминик Собослаидан айрилди.
Шанба куни бўлиб ўтган баҳснинг иккинчи бўлимида мерсисайдликлар 2:1 ҳисобида олдинда бораётган эди. Ваҳоланки, учрашувда ҳисобни биринчи бўлиб мезбонлар очганди. «Ливерпуль» рақиби бир киши кам бўлиб қолганидан сўнг иккита гол уришга муваффақ бўлди.
Биринчи бўлим давомида «Ливерпуль» бош мураббийи Андони Ираола мажбурий ўзгаришни амалга оширди. Жароҳат олган Доминик Собослаи ўрнига Трей Ньони майдонга туширилди. Венгриялик ярим ҳимоячи соғлиғи билан боғлиқ муаммо сабабли учрашувни давом эттира олмади.
Дастлабки тахминларга кўра, Собослаининг мушаклари билан боғлиқ муаммо яна қайталанган бўлиши мумкин. Аввалроқ у айнан шу сабабли «Манчестер Сити» ва ЛАСКга қарши учрашувларни ўтказиб юборган эди.
Ираола бундан олдин Собослаи миллий терма жамоа сафидан мушакларига ортиқча юклама тушган ҳолда қайтганини маълум қилганди.
