«Барселона» ҳимоячиси Алехандро Бальде жорий мавсумда деярли ўйин амалиётига эга бўлмаяпти. 2026/2027 йилги мавсумда у бор-йўғи бир марта майдонга тушган.
23 ёшли футболчи сентябрь ойининг ўрталарида «Расинг»га қарши учрашувда сўнгги 12 дақиқа давомида ҳаракат қилган. Шундан буён у расмий ўйинларда иштирок этмаган.
18 октябрь, якшанба куни Алехандро Бальде ўзининг 23 ёшини нишонламоқда. Шу муносабат билан «Барселона» клуби ижтимоий тармоқлардаги расмий саҳифалари орқали футболчини табриклади.
«Туғилган кунинг билан, Бальде!» — дейилади каталонияликлар эълон қилган хабарда.
Аввалроқ «Барселона» бош мураббийи Ханс-Дитер Флик Бальденинг жамоадаги вазияти осон эмаслигини тан олган эди.
Қайд этиш жоиз, «Барселона» 2026/2027 йилги мавсумда ҳозиргача ўтказган барча 11 та расмий учрашувида ғалаба қозонган.
Каталонияликларни олдинда «ПСЖ» ва Мадриднинг «Реал» клубларига қарши муҳим баҳслар кутмоқда.
