«Манчестер Юнайтед» ярим ҳимоячиси Кобби Майну ва ҳимоячи Люк Шоу Англия Премьер-лигаси доирасида якшанба куни «Лидс Юнайтед»га қарши ўтказиладиган сафар учрашувини ўтказиб юбориши мумкин. Бу ҳақда Man Utd Roundtable нашри эксклюзив маълумот тарқатди.

Якшанба куни эрталаб эълон қилинган хабарга кўра, ҳар икки футболчи ҳам «Элланд Роуд» стадионида бўлиб ўтадиган учрашув учун жамоа билан бирга сафарга чиқмаган.

Эътиборлиси, «Манчестер Юнайтед» бош мураббийи Майкл Кэррик матбуот анжуманида Майну ва Шоунинг жисмоний ҳолати ҳақида ижобий маълумот берган эди.

Ҳар икки футболчи ҳам жароҳати сабабли сешанба куни Чемпионлар лигаси доирасида Мадриднинг «Атлетико» клубига қарши ўтказилган ва манкунианликларнинг 0:2 ҳисобидаги мағлубияти билан якунланган учрашувда иштирок этмаган.

Шу тариқа, «Лидс»га қарши баҳс олдидан Каррикнинг таркиб танлаш билан боғлиқ муаммолари янада кўпайиши мумкин.

Хабарларга кўра, Патрик Доргу ва Нуссаир Мазрауи ҳам ҳозирча жароҳатидан тўлиқ тикланмаган.

Шунингдек, ҳужумчи Беньямин Шешконинг жамоа сафига қайтиши учун ҳам ҳали маълум вақт талаб этилади.

Натижада «Манчестер Юнайтед» «Лидс»га қарши муҳим сафар учрашувига бир қатор асосий футболчиларисиз чиқиши эҳтимоли мавжуд.