Мадриднинг "Реал" клуби марказий ҳимоячиси Эдер Милитао узоқ давом этган жароҳатидан сўнг майдонга қайтди. Жамоа бош мураббийи Жозе Моуриньо бразилиялик футболчининг сафга қайтишига муносабат билдирди.

28 ёшли ҳимоячи Испания Ла Лигасининг 9-турида "Севилья"га қарши ўтказилган учрашувнинг 85-дақиқасида захирадан майдонга тушди.

"Реал" 4:1 ҳисобида ғалаба қозонган мазкур баҳс Милитао учун жорий мавсумдаги илк ўйин бўлди.

Бразилиялик футболчи 21 апрелдан буён мушакларидаги жароҳат сабабли майдонга тушмаётган эди. Шу тариқа, у қарийб олти ойлик танаффусдан сўнг яна расмий учрашувда иштирок этди.

"Милитаонинг қайтиши жамоамиз учун жуда муҳим. Бу ҳақиқатан ҳам таъсирли лаҳза бўлди.

Чунки биз унинг қанчалик оғир даврни бошдан кечирганини, имкон қадар тезроқ майдонга қайтиш учун қанчалик кўп меҳнат қилганини кўрдик", — дея Моуриньюнинг сўзларини келтиради Madrid Zone.

Қайд этиш жоиз, "Реал" навбатдаги учрашувини 21 октябрь, чоршанба куни Чемпионлар лигаси доирасида "РБ Лейпциг"га қарши ўтказади.

Мадридликлар Германия клубини ўз майдонида қабул қилади.