«Борнмут» раҳбарияти жамоа ярим ҳимоячиси Алекс Скоттнинг трансфер қийматини янада ошириш имкониятини кўриб чиқмоқда.
Football Insider нашрининг хабар беришича, 23 ёшли футболчининг сўнгги пайтлардаги муваффақиятли ўйинлари ва Англия терма жамоасида дебют қилгани унинг нархи кўтарилишига сабаб бўлиши мумкин.
Аввалроқ «Борнмут» Скоттни 118 миллион еврога баҳолаганди. Бироқ энди клуб ушбу миқдордан ҳам юқорироқ маблағ талаб қилиши эҳтимолдан холи эмас.
Футболчининг трансфер қиймати ошишига «Ливерпуль» ва «Челси» томонидан билдирилаётган жиддий қизиқиш ҳам таъсир кўрсатиши мумкин.
Жорий мавсумда Скотт барча мусобақаларда 6 та учрашувда майдонга тушиб, 1 та гол урди ва 2 та голли узатма амалга оширди.
