"Барселона" ярим ҳимоячиси Педри Чемпионлар лигасида "ПСЖ"га қарши бўладиган учрашув олдидан Франция клубининг ўйин услубига баҳо берди.

Каталонияликлар 20 октябрь куни мусобақа умумий босқичининг 3-турида Париж жамоаси меҳмони бўлади.

Ўйинолди матбуот анжуманида Педри рақибнинг ҳужумдаги салоҳияти ва тўп назоратига асосланган ўйинини алоҳида эътироф этди.

"Уларнинг кучли жиҳатлари жуда кўп. Ҳужум чизиғида учрашув тақдирини ҳал қила оладиган футболчилар бор.

Майдон марказида эса тўпга эгалик қилиш орқали ўйинни назорат этишни яхши кўришади.

"ПСЖ" жуда кучли жамоа ва бизга ўз мақсадимизга осонликча эришиш имконини бермайди. Уларга муносиб қаршилик кўрсатиш учун жуда юқори савияда ўйнашимиз керак", — деди Педри.

Эслатиб ўтамиз, "ПСЖ" Чемпионлар лигасининг дастлабки икки турида "Слован"ни 6:1, "Манчестер Сити"ни эса 4:2 ҳисобида мағлуб этди.

"Барселона" ҳам мусобақани иккита йирик ғалаба билан бошлади. Ҳанс-Дитер Флик шогирдлари "Фейеноорд"ни 5:1, "Галатасарой"ни 4:1 ҳисобида енгди.

"ПСЖ" ва "Барселона" ўртасидаги учрашув 21 октябрга ўтар кечаси Тошкент вақти билан соат 00:00 да бошланади.