"Борнмут" ярим ҳимоячиси Алекс Скотт 2027 йил январь ойидаги трансфер бозорининг энг кўп муҳокама қилинадиган футболчиларидан бирига айланиши мумкин.
Бу ҳақда таниқли инсайдер Фабрицио Романо ўзининг ижтимоий тармоқдаги саҳифасида маълум қилди.
Унинг таъкидлашича, 23 ёшли англиялик футболчига қизиқиш билдирувчи клублар сони ортиб бормоқда. Лондоннинг "Челси" жамоаси ҳам ярим ҳимоячини қўлга киритиш режасидан воз кечмаган.
"Скотт январь ойидаги трансфер ойнасининг асосий юлдузларидан бирига айланиши мумкин. "Челси" ҳамон унинг трансфери учун курашда иштирок этмоқда. Шу билан бирга, ярим ҳимоячига қизиқиш билдираётган клублар сони тобора кўпаймоқда", — деди Романо.
Алекс Скотт жорий мавсумда "Борнмут" сафида Англия Премьер-лигасининг 6 та учрашувида майдонга тушиб, 2 та гол урди ва 1 та голли узатмани амалга оширди.
Бироқ футболчи соннинг орқа қисми пайидан олган жароҳати сабаб тахминан икки ойга сафдан чиққан. Унинг ноябрь ойининг сўнгги ўн кунлигида майдонга қайтиши кутилмоқда.
Шунга қарамай, Скоттга бўлган қизиқиш пасаймаган. Қишки трансфер ойнаси яқинлашгани сари унинг келажаги атрофидаги рақобат янада кучайиши мумкин.
