«Тоттенхэм» бош мураббийи Роберто де Дзерби «Ковентри»га қарши учрашувнинг сўнгги дақиқаларида Муҳаммад Кудусни нима сабабдан алмаштирганини тушунтирди.

«Кудус яхши ўйин ўтказди ва финал ҳуштагигача майдонда қолиши мумкин эди. Аммо мен Кулушевскини мухлислар учун майдонга туширишга қарор қилдим.

Фақат мухлислар учун, чунки улар унинг майдонга қайтишини кутишган эди. Улар сўнгги бир неча мавсум давомида кўп азият чекишди. Шу сабабли бу ғалабага муносиб эдилар», — деди де Дзерби матбуот анжуманида.

Англия Премьер-лигасининг 7-турида «Тоттенхэм» «Ковентри»ни 3:1 ҳисобида мағлуб этди. Бу «шпорлар»нинг янги мавсумдаги илк ғалабаси бўлди.

Қайд этиш жоиз, Кулушевски 526 кунлик танаффусдан сўнг биринчи марта майдонга тушди. Ярим ҳимоячи тиззасидан олган оғир жароҳати сабаб шунча вақт ўйнай олмаган эди.