18 ёшли вингер Рио Нгумоа «Ливерпуль» билан янги шартнома имзолаши мумкин. «Қизиллар» раҳбарияти иқтидорли футболчи билан ҳамкорликни давом эттиришдан манфаатдор. Бу ҳақда таниқли инсайдер Фабрицио Романо ижтимоий тармоқларда хабар бермоқда.
Нгумоанинг мерсисайдликлар билан амалдаги шартномаси 2028 йил июнь ойининг охирига қадар мўлжалланган. Transfermarkt портали мутахассислари унинг бозор қийматини 50 миллион еврога баҳоламоқда.
Жорий мавсумда ҳужумкор ярим ҳимоячи Англия Премьер-лигасида бешта учрашувда майдонга тушди, аммо гол ёки голли узатма қайд этмади.
