Лондоннинг «Арсенал» клуби дарвозабони Давид Райя ҳамюрти Ламин Ямалнинг «Олтин тўп»ни қўлга киритишини исташини билдирди.

Нуфузли мукофотни топшириш маросими 26 октябрь, душанба куни бўлиб ўтади. «Барселона»нинг 19 ёшли вингери соврин учун асосий даъвогарлардан бири ҳисобланмоқда.

«Ламин Ямал бу йил «Олтин тўп»ни қўлга киритишига умид қиламан. У ақлбовар қилмас мавсум ўтказди. Унинг кўча футболига хос ўйин услубини томоша қилиш катта завқ бағишлайди», — дея Райянинг сўзларини келтиради The Touchline.

Ямал ўтган мавсумда «Барселона» билан Испания чемпионлигини қўлга киритди. Шунингдек, у Испания терма жамоаси сафида жаҳон чемпиони бўлди.

19 ёшли футболчи ўтган йили «Олтин тўп» учун овоз бериш натижаларига кўра, Усмон Дембеледан кейин иккинчи ўринни эгаллаган эди.