"Барселона" сардори Рафинья Диас Каталония клубига ўтиш болаликдаги энг катта орзуларидан бири бўлганини маълум қилди.

Бразилиялик футболчи 2022 йил ёзида Англиянинг "Лидс" клубидан "Барселона"га кўчиб ўтган эди. Ўтган вақт давомида у жамоанинг асосий етакчиларидан бирига айланиб, жаҳон футболидаги энг ёрқин ҳужумчилар қаторига қўшилди.

29 ёшли вингернинг таъкидлашича, унинг "Барселона"га бўлган меҳри болалик йилларидан бошланган.

"Менинг кумирларим "Барселона"да ўйнаган. Шу сабабли бу клубга келишни доим орзу қилганман.

Орзуимни рўёбга чиқариш учун қўлимдан келган барча ишни қилдим", — деди Рафинья.

Қайд этиш жоиз, Рафинья "Барселона" сафида барча мусобақалар доирасида 187 та учрашувда майдонга тушган.

Ушбу баҳсларда бразилиялик ҳужумчи 89 та гол уриб, 62 та голли узатмани амалга оширган. Шу тариқа, у жами 151 та голда бевосита иштирок этган.

Рафиньянинг Каталония клуби билан амалдаги шартномаси 2028 йилнинг ёзигача мўлжалланган.