«Лацио»дан 0:3 ҳисобидаги йирик мағлубият «Ювентус» атрофида баҳс-мунозараларга сабаб бўлди. Учрашувдан кейин ҳимоячи Глейсон Бремер норозилигини очиқ билдирди. У нафақат натижадан, балки айрим жамоадошларининг муносабатидан ҳам қониқмаётганини таъкидлади.

"Ҳаммани ўз елкамда кўтариб юра олмайман. Айрим футболчиларнинг характери кучлироқ, бошқалариники эса сустроқ.

Кимдир мухлисларнинг ҳуштакларига оғриқли муносабат билдиради, эҳтимол, қўрқиб кетади ва охир-оқибат шунчаки яшириниб олади", — деди Бремер.

Ушбу баёнотга Италия футболи афсоналаридан бири Жанлуижи Буффон ҳам муносабат билдирди.

"Аммо менга ҳам баъзан мени қўллаб-қувватлаб, елкасига кўтариб оладиганлар керак бўлган!" — деди собиқ дарвозабон. Унинг сўзларини derbyderbyderby.it нашри келтирмоқда.

Эслатиб ўтамиз, Жанлуижи Буффон 2023 йилда профессионал фаолиятини якунлаган.