"Манчестер Юнайтед"нинг собиқ ҳимоячиси Тирелл Маласия Рубен Аморим даврида асосий таркибдан четлатилганига қарамай, клубга ўтганидан афсусланмаслигини айтди.
"Ҳеч нарсадан афсусланмайман. Вақтни ортга қайтариш имкони бўлса ҳам, худди шу қарорни қабул қилардим. Чунки бошимдан ўтганлар мени бугунги инсонга айлантирди.
Аввалига беш кишилик гуруҳда машқ қилдик. Кейин Рэшфорд, Гарначо ва Антони кетди. Мен эса иккинчи жамоа, ҳатто 18 ёшгача бўлган футболчилар билан шуғулландим. Бу руҳий жиҳатдан жуда оғир эди", — деди Маласия BBC Sport нашрига.
Икки марта тиззасидан операция қилинган нидерландиялик футболчи ёзда "МЮ"ни тарк этиб, "Цинциннати"га ўтди.
Ҳозир у 2022 йил сентябридан бери илк бор кетма-кет 4 та ўйинда асосий таркибда майдонга тушди.
"Футболчи учун энг муҳими — ўйнаш. Ҳозир мунтазам майдонга тушяпман ва бундан хурсандман", — деди Маласия.
