"Реал" клуби телевидениеси "Барселона"га қарши "эл-класико" олдидан ҳакамлик қарорларини танқид қилиб, каталонияликлар адресига жиддий айбловлар йўллади.
"2000 йилдан буён "эл-класико"ларда "Барселона"нинг 12 нафар, "Реал"нинг эса 23 нафар футболчиси майдондан четлатилган. Шунингдек, рақибнинг 4 та, бизнинг эса 20 та голимиз бекор қилинган.
Бускетс, Гави ва де Йонг қизил карточка олиши керак бўлган вазиятларда жазодан қутулиб қолган. "Реал"га эса адолатсиз қарорлар чиқарилган.
Бизнинг голларимиз ноҳақ бекор қилинган, рақибнинг офсайд ёки қоидабузарликдан кейин урган голлари эса ҳисобга олинган. Бу ҳақиқий можаро! Демак, улар ҳакамларга пул тўлаган", — дейилади клуб телевидениеси тайёрлаган лавҳада.
Таъкидлаш жоиз, бу "Реал" телевидениесининг айбловлари бўлиб, ҳакамларга пул тўлангани исботланган факт сифатида келтирилмаган.
"Барселона" — "Реал" учрашуви 26 октябрь куни Тошкент вақти билан соат 01:00 да бошланади.
