«Астон Вилла» ҳужумчиси Николас Жексон Англия Премьер-лигасининг 8-турида «Манчестер Сити» устидан қозонилган ғалаба ҳақидаги фикрлари билан ўртоқлашди.
Шанба куни бўлиб ўтган учрашувда бирмингемликлар 2:1 ҳисобида ғалаба қозонишди. Сенегаллик ҳужумчи эса дубл қайд этди.
"Бу жуда муҳим ғалаба бўлди. Бугун мақсадимизга эришдик, бутун жамоа бўлиб астойдил курашдик ва жуда хурсандмиз.
Мен шунчаки жамоа учун ишлашга, вазиятлардан унумли фойдаланишга ва гол уришга ҳаракат қиламан. Иккита гол киритганимдан жуда мамнунман, аммо энг муҳими — ғалаба.
Биз рақибимизнинг қанчалик кучли эканини биламиз. Унинг сафида дунёнинг энг яхши футболчиларидан айримлари тўп тепади ва уларга қарши ўйнаш осон эмас.
Биз ўз характеримизни намоён этишга ва майдонда дадил ҳаракат қилишга интилдик", — деди ҳужумчи учрашувдан кейин.
