Дортмунднинг "Боруссия" клуби бош мураббийи Нико Ковач "Бавария" устози Венсан Компанининг шифохонага ётқизилганига муносабат билдирди.

Маълумотларга кўра, бельгиялик мутахассис машғулот пайтида ҳушидан кетган ва шошилинч равишда шифохонага олиб кетилган. У аввалроқ вирусли инфекцияни бошдан кечирганига қарамай, ишлашда давом этган.

"Компанига энг яхши тилакларимни билдираман. У тезроқ соғайиб, ишига қайтишига умид қиламан. Ҳозир энг муҳими — унга тинчлик ва дам олиш учун вақт бериш.

Мураббийлик касби қанчалик катта куч талаб қилишини барчамиз биламиз. Венсанга чин дилдан соғлиқ тилайман. Умид қиламанки, келаси ҳафта у билан суҳбатлаша оламиз", — деди Ковач.

Эслатиб ўтамиз, "Бавария" ва "Боруссия" 31 октябрь куни Бундеслига доирасида ўзаро тўқнаш келади.