"Барселона" ҳужумчиси Карим Адейеми ўтган ёзда Каталония клубига қўшилишига нима сабаб бўлгани ҳақида гапирди.

"Ҳанси Флик — менинг бу ерда бўлишимга сабабчи инсон ва бунинг учун ундан жуда миннатдорман. Мен у билан очиқ гаплашаман, бу эса жуда муҳим. У билан менинг ўртамда алоҳида боғлиқлик бор, худди унинг бутун жамоа билан бўлган муносабати каби.

Флик менга берган биринчи маслаҳат қандай бўлган? Ҳар бир машғулотдан, жамоадаги муҳитдан, Барселонадан ва каталонияликлардан завқ олиш кераклигини айтган. У менга биринчи бўлиб шуни ўргатди.

Мен ўзимни жуда қулай ҳис қиляпман. Қуёшли об-ҳаво ва маҳаллий аҳоли менга ёқади — ҳамма жуда меҳрибон. Мен бирор нарсани алоҳида ажратиб кўрсата олмайман. Бу ерда ҳамма нарса ажойиб. Баъзи дўстларим ҳали ҳам қайси клубда ўйнаётганимга ишона олишмаётганини айтишади. Баъзан ҳали ҳам туш кўраётгандек туюлади", — дея Адейемининг сўзларини "Барселона"нинг расмий сайти келтирмоқда.