«Комо» жамоаси ўзининг энг яхши тўпурари Тасос Дувикас билан шартномани узайтирганини расман эълон қилди. Янги келишув 2031 йилнинг ёзига қадар амал қилади.
Греция терма жамоаси ҳужумчисининг аввалги шартномаси 2029 йилнинг ёзида якунига етиши керак эди. Бироқ футболчининг 2026/27 йилги мавсумни муваффақиятли бошлагани клубни келишувни узайтиришга ундади. Дувикас жорий мавсумда клуб сафидаги 11 та учрашувда саккизта гол урди.
У Италия чемпионатидаги саккизта ўйинда беш марта, Чемпионлар лигасида эса учта баҳсда уч марта рақиблар дарвозасини ишғол қилди. Шу тариқа, у ҳар икки мусобақада ҳам «Комо»нинг энг яхши тўпурари бўлиб турибди.
