«Пахтакор» 2 ноябрь куни Осиё Чемпионлар лигаси Элит босқичининг 4-турида Саудия Арабистонининг «Ан-Наср» клубини қабул қилади.
Риёд жамоаси таркибида Криштиану Роналду, Садио Мане, Жоау Фелиш, Кингсли Коман, Кошта, Мартинес ва Симакан каби машҳур футболчилар бор. Саудия Арабистонининг амалдаги чемпионини айни пайтда Анже Постекоглу бошқармоқда.
Икки клуб аввал ҳам Осиё Чемпионлар лигасида тўқнаш келган. 2011 йилги баҳсларнинг Тошкентдаги қисми 2:2 ҳисобида якунланган, Риёдда эса «Ан-Наср» 4:0 ҳисобида ғалаба қозонган. Тошкентдаги учрашувда «Пахтакор»нинг голларини Шерзод Каримов ва Дилшод Шарофиддинов урган.
15 йиллик танаффусдан кейин жамоалар яна халқаро майдонда куч синашади.
«Пахтакор» – «Ан-Наср» учрашуви 2 ноябрь, душанба куни Тошкентдаги «Пахтакор» стадионида соат 18:45 да бошланади.
