"Барселона" бразилиялик ҳужумчи Рафинья Диас билан шартномани узайтирганини расман эълон қилди.
Каталония клуби матбуот хизматининг маълум қилишича, томонлар 2030 йилнинг ёзигача мўлжалланган янги келишувга эришган.
"Севимли сардоримиз 2030 йилгача клубимиз шарафини ҳимоя қилишда давом этади", — дейилади "Барселона"нинг расмий баёнотида.
Рафинья 2022 йилнинг июль ойида Каталония клуби сафига қўшилган. Бразилиялик футболчи шу вақтга қадар "Барселона" таркибида 190 та учрашув ўтказиб, 94 та гол урган ва 62 та голли узатмани амалга оширган.
Transfermarkt портали 29 ёшли ҳужумчининг ҳозирги бозор қийматини 70 миллион еврога баҳоламоқда.
