Миланнинг «Интер» жамоаси ҳужумчи Диего Милитога янги шартнома таклиф қилди. Бу ҳақда Corriero dello Sport хабар бермоқда.
Футболчининг «нерадзурилар» билан шартномаси келаси йилнинг ёзига қадар амал қилади. Манбада айтилишича, футболчи Аргентинага қайтишни ва фаолиятининг охирги йилларини ватанида ўтказишни хоҳламоқда, лекин «Интер» ҳужумчини ўз сафида олиб қолмоқчи.
Хабарингиз бор, футболчи ўтган йил жароҳати сабаб бутун мавсумни ўтказиб юборган ва атиги 3та ўйинда майдонга тушганига қарамай, 2та гол уришга ва 1та голли узатмани амалга оширишга улгурган эди.
