Франция терма жамоасининг машҳур собиқ яримҳимоячиси Зинедин Зидан ватандоши Франк Риберининг "Олтин тўп"ни ютиш имкониятлари хусусида мулоҳаза юритди.
"Криштиану Роналду ҳам, Рибери ҳам "Олтин тўп"га лойиқ. Аммо мен ҳали бу совринни қўлга киритмагани, қолаверса мавсумда учта соврин ютганини ҳисобга олиб Риберига берган бўлардим.
Бироқ муаммо шундаки, бу ерда Месси ҳам бор. У 55та гол урган.
Бензема? Ўйинида пасайиш бўлганида, тушуниш қийин. Сен ўзингга нисбатан ишончни йўқотишинг мумкин, лекин ўз истеъдодингни йўқота олмайсан. У таслим бўлмайди", - дея Зиданнинг сўзларидан иқтибос қилди Goal.com.
