Бирлашган Араб Амирликларида бошланган ўсмирлар (U17) ўртасида Жаҳон чемпионатида Ватанимиз жамоасини қўллаб-қувватлаш мақсадида Ўзбекистон футбол мухлислари клуби ташкил этган сафарга 16 октябрь куни Тошкент-Дубай йўналиши бўйича 132 нафар мухлис учишди ва ўша куннинг ўзида Дубай марказида жойлашган 4 юлдузли "LOTU DM APARTMENT" меҳмонхонасига жойлашишди.
Мухлислар ёши 3дан 76гача ва республикамизнинг деярли барча вилоятларидан ишқибозлар бор. 19 ва 23 октябрь кунлари Ўзбекистондан ташриф буюрадиган мухлисларимиз сафи яна 90 кишига ошади.
Ишқибозлардан ҳужжатлар қабул қилиш вақтида ҳар бир мухлис уст кийим ўлчамларини олиниб, улар учун 2тадан U17 терма жамоамиз рамзлари акс эттирилган махсус
футболкалар тиктирилди. Бундан Амирликлардаги иссиқ ва нам ҳаво ҳароратини ҳисобга олинди. Шунингдек, сафарга чиққан ҳар бир мухлис миллий байроғимиз ҳамда футбол атребутикалари билан таъминланишди.
17 октябрь куни бутун Дубай бўйлаб саёҳат уйиштирилди. Кун давомида Амирликлар тарихи музейидан тортиб дунёнинг энг баланд биноси "Бурж халифа" ва Раққос фавворага сайр уюштирилди.
Бугун эса бизни олдинда биринчи ва муҳим учрашув кутмоқда. Мухлисларнинг кайфияти аъло даражада. Жамоамиз йигитларининг ҳам кайфиятлари аъло даражада. Энди бир тану бир жон бўлиб барчамиз ғалабалар сари олға борамиз. Серқуёш ҳур ўлкамиз байроғини баланд кўтарган ҳолда ОЛҒА, ЎЗБЕКИСТОН, ОЛҒА, ЙИГИТЛАР деб қоламиз!!!
Абдураҳмон Фозилов
