Эртага Ўзбекистон ўсмирлар терма жамоаси Жаҳон чемпионатида гуруҳдаги сўнгги учрашувда Хорватияга қарши майдонга чиқади.
Ушбу ўйинга Ўзбекистон футбол мухлислари ўзгача тайёргарлик кўришди. Сабаби стадионга ёзувли баннер ёки ҳажми 1 метрдан катта бўлган байроқларни киритишмаяпти.
Яхшиям, ФИФАнинг ўзбекистонлик вакили Аваз Бердиқулов бор экан. Унинг ёрдами билан байроқларимизга рухсат олдик. Ваҳоланки, ФИФА регламенти бўйича 1х2м ҳажмдаги иштирокчи жамоа байроғини киритилиши рухсат этилган.
Кеча 22 октябрь куни ўзбек мухлислари Дубай сафари дастури бўйича сайр қилишди. Ҳозирда Ўзбекистондан U-17 Жаҳон чемпионатига борган муҳлислар сони 200 дан ошди !
Яна бир қизиқ малумот. Ушбу жаҳон чемпионатида ўз юртидан футбол учун келган энг кўп мухлис айнан Ўзбекистон терма жамоасида. Энг кўп мухлисга эга Морокаш ва Эрон жамоалари мухлисларининг деярли барчаси Бирлашган Араб Амирликларида фаолият юритувчи ва бир вақтлари келиб қолган маҳаллий мухлислардир.
Эртанги ўйинимизда барча-барчангиз ва албатта ўсмирлар терма жамоамизга омад тилаган ҳолда, шоир айтганидек, ВАТАН УЧУН ЖОН ФИДО деб қоламиз!
Абдураҳмон Фозилов
